«Google Drive (GDrive)-ի սարքավորումների համար փաստաթղթերի օնլայն պահպանման գործիքը օգտատերերի համար մատչելի կլինի մոտակա օրերին»,- գրում է TechCrunch բլոգը` հղում կատարելով սոցմեդիա-խորհրդատու Յոհաննես Վիգանդին:
Ինչպես գրում է բլոգը, Վիգանդը GDrive-ի վերամշակման հնարավորությունները նկատել է Google-ի ինչ-որ ծառայություն ներկայացնելու ժամանակ: GDrive-ը կներդրվի Google Docs ծառայության մեջ:
Նշվում է, որ Google Docs-ի շատ օգտատերեր չեն հասկանում, թե ինչպես կարելի է իրենց փաստաթղթերը պահել համացանցում, սակայն GDrive-ը կօգնի նրանց այդ հարցում: GDrive-ը կարող է հայտնվել նաև Android Ice Cream Sandwich օպերացիոն համակարգի նոր տարբերակում:
Մասնագետները կանխատեսում են, որ, ամենայն հավանականությամբ, Google-ը GDrive-ի նկատմամբ կկիրառի պայմանական անվճար մոդել, ինչպես Gmail-ում, երբ օգտատերերն անվճար ստանում են սահմանափակ ծառայություններ, բայց դրանք հետագայում ավելացնելու համար պետք է վճարել: