2011 թվականի սեպտեմբերի 20-25-ը Ռումինիայի մայրաքաղաք Բուխարեստում կայացած Միջազգային ոստիկանական գագաթնաժողովին, որին մասնակցել է 63 անդամ պետություն, Հայաստանի Հանրապետությունը մասնակցել է դիտորդի կարգավիճակով:
Գագաթնաժողովին զեկույցով հանդես է եկել Միջազգային ոստիկանական ասոցիացիայի գլխավոր քարտուղար Ջորջ Կացառապուլուոսը, ով այս տարի այցելել է Հայաստան, ուսումնասիրել հայ ժողովրդի պատմությունը և տեղյակ է եղել ՀՀ ոստիկանության գործունեությանը: Գագաթնաժողովի մասնակիցներին ՀՀ ոստիկանական ասոցիացիան ներկայացվել է որպես Ռուսաստանի Դաշնության ոստիկանական ասոցիացիայի մասնաճյուղ և անհրաժեշտ է համարվել, որ 2012 Իսրայելում կայանալիք հերթական գագաթնաժողովին ՀՀ ոստիկանական ասոցիացիան ընտրվի Միջազգային ոստիկանական ասոցիացաիայի 64-րդ լիիրավ անդամ:
ՀՀ-ն դիվանգիտական հարբերություններ ունի ասոցիացիայի 63 անդամ պետություններից միայն 24-ի հետ, և եթե Հայաստանը դառնա այդ հզոր կառույցի լիիրավ անդամ, ապա Հայաստանի Հանրապետության ոստիկանական ասոցիացիան կդառնա «ոսկե կամուրջ» Հայաստանի և Միջազգային ոստիկանական ասոցիացիայի 63 անդամ պետությունների միջև:
Այս մասին այսօր հրավիրված ասուլիսի ընթացքում տեղեկացրեց Միջազգային ոստիկանական ասոցիացիայի հայաստանյան մասնաճյուղի նախագահ, ոստիկանության գնդապետ Գրիշա Սարգսյանը (Ժարիտ Գրիշ):
Գագաթնաժողովին Թուրքիան հիստերիա է բարձրացրել, բայց միջազգային կառույցների ներկայացուցիչները ի շահ Հայաստանի են ելույթ ունեցել: