Իտալիայի առողջարանային Ֆորտե դեյ Մարմի քաղաքում օտարերկրացիներին արգելել են ազգային խոհանոցով ռեստորաններ բացել:
Արգելքն առաջին հերթին տարածվում է քաբաբ վաճառող ճաշարանների, անգլիական գարեջրատների, չինական ռեստորանների և արագ սննդի կետերի վրա: Բացի այդ, արգելքի տակ կհայտնվեն բոլոր այն խանութները, որոնք «չեն համապատասխանում իտալական մշակույթին»: Այդպիսի հաստատություններ են, օրինակ, հնդկական մետաքս կամ ամերիկյան էլեկտրական սարքեր վաճառող խանութները:
Քաղաքապետի կարգադրությունը միաձայն հավանություն է ստացել քաղաքային խորհրդում:
Ինքը` քաղաքապետը, իր այդ քայլը գնահատում է որպես «ազգայնական»: Նա նշել է, որ իրենց որոշման նպատակն է պահպանել քաղաքի մշակույթը: