«Դիմակավորված և փականագործական գործիքներով զինված հանցագործները հոկտեմբերի 12-ին թալանել են Իռլանդիայի Սուրբ Խաչի աբբայությունը` գողանալով սրբազան մասունքը»,- հայտնում է France-Presse գործակալությունը:
Գողացվել է արծաթյա փոքրիկ, 30 սանտիմետրանոց տուփը, որի մեջ պահվում էին երկու խաչ, երկու մուգ քարեր և կենտրոնում մի ամանով այն խաչի կտորը, որի վրա, ըստ ավանդության, խաչել էին Հիսուս Քրիստոսին:
Միաժամանակ՝ գողերը վանքից դուրս են բերել բրոնզյա և ոսկյա խաչեր, որոնք օգտագործվում էին եկեղեցական արարողությունների ժամանակ:
Աբբայության վանահայր Թոմաս Բրինը տեղի ԶԼՄ-ների միջոցով դիմել է գողերին` խնդրելով վերադարձնել սրբազան մասունքները: Նրա խոսքերով` այդ իրերի առևտրային արժեքը շատ չնչին է, բայց հոգևորը դժվար է ներկայացնել:
Խաչի կտորը 1180-ական թվականներին աբբայությանն է նվիրաբերել Դոնալ Օ’Բրայենը` Իռլանդիայի լեգենդար թագավորը:
Հավանական է, որ թագավորը այն ձեռք է բերել Խաչակրաց արշավանքի ժամանակ, երբ Արևմուտքի քրսիտոնյա երկրների զորքերն առաջին անգամ հասել են Սրբազան երկիր և 1099 թվականին գրավել Երուսաղեմը: