Ֆրանսիայում գրանցվել է պատմության մեջ ամենաշոգ օրը՝ ջերմաստիճանը որոշ վայրերում հասել է 44.3°C-ի, ինչի հետևանքով 54 դեպարտամենտում հայտարարվել է վտանգի կարմիր մակարդակ։
Անոմալ շոգի պատճառով երկրում արձանագրվել է խեղդվելու 40 դեպք, իսկ Փարիզի հայտնի տեսարժան վայրերը՝ Էյֆելյան աշտարակն ու Լուվրը, ստիպված են եղել կրճատել աշխատանքային ժամերը։
Ինչպես հաղորդում է The Guardian-ը, ծայրահեղ շոգն ընդգրկել է նաև Եվրոպայի այլ երկրներ։ Գերմանիայում գրանցվել են ջրահեղձման դեպքեր, Իտալիայի 15 քաղաքներում հայտարարվել է կարմիր ահազանգ, իսկ Իսպանիայի որոշ շրջաններում գիշերային ջերմաստիճանը չի իջել 30°C-ից։
Մասնագետները նշում են, որ այս երևույթը պայմանավորված է Սահարայից եկող տաք օդային զանգվածներով, որոնք դանդաղ են շարժվում՝ հանգեցնելով աննախադեպ տապի։
