Հայաստանի ֆուտբոլի ազգային թիմի նախկին ավագ Հենրիխ Մխիթարյանը կարիերայի 900-րդ հանդիպումն է անցկացրել:
Իտալիայի ֆուտբոլի առաջնության 37-րդ տուրում «Ինտեր»-ը Միլանում ընդունել էր «Վերոնա»-ին: Հանդիպումն ավարտվել է 1:1 հաշվով: Այդ խաղի լավագույն ֆուտբոլիստ է ճանաչվել Հենրիխ Մխիթարյանը:
Այդ հանդիպումը հայ կիսապաշտպանի համար կարիերայում 900-րդն է:
«Ինտեր»-ն ընթացիկ մրցաշրջանում դարձել է Իտալիայի չեմպիոն ու գավաթակիր:
Կարիերայի ընթացքում Հենրիխ Մխիթարյանը հանդես է եկել Երևանի «Փյունիկ»-ում, Դոնեցկի «Մետալուրգ»-ում, Դոնեցկի «Շախտյոր»-ում, գերմանական «Բորուսիա Դորտմունդ»-ում, անգլիական «Մենչեսթեր Յունայթեդ-ում և «Արսենալ»-ում, իտալական «Ռոմա»-ում, իսկ այժմ Միլանի «Ինտեր»-ի ֆուտբոլիստն է։
