ԱՄՆ պետքարտուղար Հիլարի Քլինթոնը հայտարարել է, որ մտադիր է լքել իր պաշտոնը Բարաք Օբամայի պաշտոնավարման ընթացիկ ժամկետի ավարտից հետո: Այս մասին նա ասել է Associated Press գործակալությանը հոկտեմբերի 11-ին տված հարցազրույցում: Քլինթոնը նաև հավելել է, որ այլևս շահագրգռված չէ իշխանական մարմիններում աշխատելու մեջ և սպասում է սովորական կյանքին վերադառնալու հնարավորությանը:
Խոսելով Բարաք Օբամայի ապագայի մասին` նա ասել է, որ հավատում է նրա հաղթանակաին 2012 թ. նախագահական ընտրությունների ժամանակ: Ավելի վաղ պետքարտուղարը չէր բացառել, որ կարող է մնալ իր պաշտոնում Օբամայի վերընտրությունից հետո:
