Ռուսական Regnum լրատվական գործակալության փոխանցմամբ՝ Ռուսաստանի հավաքականի նախկին կիսապաշտպան, «Անժի»-ի ու «Վոլգա»-ի նախկին մարզիչ Օմարի Տետրաձեն անդրադարձել է Հայաստանի հավաքականի ցուցադրած խաղին.
«Ես կարծում եմ, որ Հայաստանի ներկայիս հավաքականն իր նվիրվածությամբ գերազանցում է խմբի մյուս թիմերին։ Արդեն մի քանի խաղ է, ինչ ես հետևում եմ Հայաստանի խաղին. այնտեղ խաղում են երիտասարդ տղաներ, որոնց աչքերը «վառվում» են։
Հնարավոր է, որ նրանք իրենց կարգով զիջում են ինչ-որ մեկին, սակայն նվիրվածությամբ գերազանցում են բոլորին։ Եվ Աստված նրանց պարգևատրում է հաղթանակներով։ Մեր հավաքականի խաղին նույնպես անհրաժեշտ է թարմ արյուն ներարկել»։
