Samsung-ը դեռ պաշտոնապես չի հայտարարել Galaxy A37 և A57 մոդելների մասին, սակայն նոր լուրերը բացահայտել են դրանց հնարավոր գները և գունային տարբերակները։ Նոր մոդելներն, ըստ լուրերի, ավելի թանկ կլինեն նախորդներից։ Galaxy A57-ը հասանելի կլինի Charcoal (ածխամոխրագույն), Icy blue (երկնագույն), Lilac (մանուշակագույն) և Navy (մուգ կապույտ) գունային տարբերակներում․ մոխրագույն տարբերակ ևս սպասվում է։ Հեռախոսը կունենա 6.6 դյույմ AMOLED էկրան, Exynos 1680 պրոցեսոր, եռակի հիմնական տեսախցիկ և 5000 մԱ/ժ մարտկոց։
Galaxy A37-ը ևս նախատեսվում է 5 գունային տարբերակով՝ Charcoal (ածխամոխրագույն), Grey green (մոխրականաչ), Lavender (բաց մանուշակագույն) և White (սպիտակ)։ Սարքը կունենա 6.7 դյույմ AMOLED էկրան, եռակի հիմնական տեսախցիկ, Exynos 1480 պրոցեսոր և 5000 մԱ/ժ մարտկոց։
Եվրոպական կայքերից մեկում նկատվել է Galaxy A57-ը՝ 8GB/128GB մոդելի համար €539 և 8GB/256GB մոդելի համար՝ €609 գնով։ Galaxy A37-ի 6GB/128GB տարբերակը նախատեսվում է €439, իսկ 8GB/256GB տարբերակը՝ €539։
