News Georgia-ի փոխանցմամբ՝ եվրոպական ու եվրաատլանտյան կառույցներին Վրաստանի ինտեգրման հարցերով պետնախարար Գեորգի Բարամիձեն հայտարարել է, թե այլևս գոյություն չունի այն թերահավատությունը, որը ՆԱՏՕ-ին ու ԵՄ-ին Վրաստանի անդամակցելու վերաբերյալ 3 տարի առաջ նկատվում էր որոշ եվրոպական առաջնորդների մոտ.
«Զարմանալի չէ, որ 3 տարի առաջ մի շարք եվրոպական երկրներ, այդ թվում՝ նաև Ֆրանսիան, թերահավատորեն էին մոտենում ԵՄ-ին ու ՆԱՏՕ-ին Վրաստանի անդամակցությանը։ Սակայն ներկայումս դա այդպես չէ։ Այդ փոփոխությունները տեղի են ունեցել Վրաստանում իրականացված բարեփոխումների արդյունքում։
Ֆրանսիայի նախագահ Նիկոլա Սարկոզին օրեր առաջ Թբիլիսիում հստակ հայտարարեց, որ Վրաստանը եվրոպական երկիր է և ունի «օրինական ձգտում» ԵՄ-ին ու ՆԱՏՕ-ին անդամակցելու համար»։
Հիշեցնենք, որ այս տարվա ապրիլի սկզբին Գիորգի Բարամիձեն հայտարարեց, որ տեխնիկական առումով Վրաստանը ՆԱՏՕ-ի անդամակցությանը պատրաստ կլինի արդեն 2-3 տարի անց:
