Մեծ Բրիտանիայում օգոստոսին տեղի ունեցած անկարգությունների հետևանքով ավելացել է երկիրը լքել ցանկացող ունևոր բրիտանացիների թիվը: Այս մասին տվյալներ են հրապարակվել Lloyds TSB գործակալության կողմից, որը հետազոտություններ է անցկացնում տարբեր երկրներում բարեկեցության մակարդակի վերաբերյալ:
Հարցումն իրականացվել է 1.057 մարդու շրջանում: Պարզվել է որ բրիտանացիների 17 %-ը, որի կարողությունը գերազանցում է 250 հազար ֆունտ ստերլինգը, պատրաստվում են առաջիկա 2 տարիների ընթացքում դուրս գալ երկրից: Անցյալ տարվա տվյալներով` այդպիսի մտադրություն ուներ բրիտանացիների 14%-ը:
Երկիրը լքել ցանակցողների 61%-ը դրա հիմնական պատճառ է համարում երկրում հանցավորության և հակահասարակական վարքի աճը հատկապես օգոստոսին Լոնդոնում և երկրի մի շարք քաղաքներում տեղի ունեցած անկարգություններից հետո:
