Հոկտեմբերի 8-ին Մինսկում տեղի է ունեցել ընդդիմության ցույց՝ «Ազգային հավաք» անունով: Իրավապահ մարմինները չեն փորձել ձերբակալել հավաքվածներին: Այս մասին հաղորդում է Интерфакс-ը:
Սրա հետ մեկտեղ՝ France-Presse գործակալությունը հայտնում է, որ յոթ հոգի ձերբակալվել են: Ընդդիմադիր «Խարտիա-97» թերթը գրում է, որ Բելառուսի մյուս քաղաքներում ևս, որտեղ տեղի են ունեցել ընդդիմության ցույցեր, ձերբակալվել են մարդիկ:
Մինսկի ցույցը տեղի է ունեցել Ժողովուդների բարեկամության այգում: Այս միջոցառումը համաձայնեցված չի եղել քաղաքային իշխանությունների հետ: Ցույցն անցկացնելու վայրը փակված է եղել, և հավաքվածները փորձել են ճեղքելով անցնել փակուղին:
Միջոցառման մասնակիցները պահանջել են տնտեսական վիճակի բարելավում և քաղաքական ազատություն: Ընդդիմության տվյալներով՝ Մինսկի ցույցին մասնակցել է մոտ հազար մարդ, սակայն ռուսական աղբյուրները նշում են ընդամենը մի քանի 100 մասնակցի մասին: Ընդդիմության հաջորդ ցույցը տեղի է ունենալու նոյեմբերի 12-ին:
