Ադրբեջանական Trend լրատվական գործակալության փոխանցմամբ՝ Բաքու է ժամանել ԱՄՆ Պետդեպարտամենտի՝ տարածաշրջանային հակամարտությունների և Կովկասի հարցերով գրասենյակի ղեկավար Ջասթին Ֆրիդմանը։ Այս մասին հայտարարել է Ադրբեջանում ԱՄՆ դեսպանատունը։
Վերջինիս տվյալներով, Ֆրիդմանը Բաքվում քննարկելու է երկկողմանի հարաբերություններին, ինչպես նաև տարածաշրջանային խաղաղությանն ու կայունությանն առնչվող հարցեր։
Պլանավորված է, որ Ֆրիդմանը հանդիպումներ է ունենալու կառավարության ներկայացուցիչների ու քաղաքացիական հասարակության առաջնորդների հետ։
Ադրբեջանում ԱՄՆ դեսպանատունը նաև հայտարարել է, որ եվրոպական ու եվրասիական հարցերով ԱՄՆ պետքարտուղարի օգնականի տեղակալ Էրիկ Ռուբինի ադրբեջանական այցը հետաձգվել է։
Հիշեցնենք, որ ավելի վաղ նշվում էր, որ Ֆրիդմանը սեպտեմբերի 28-ից հոկտեմբերի 8-ը այցելելու է Հարավային Կովկասի երեք երկրներ։