Ադրբեջանական ANS PRESS-ը, վկայակոչելով ռուսական Интерфакс գործակալությունը, հայտնում է, որ Բրյուսելում հանդիպել են Հայաստանի ու Ադրբեջանի պաշտպանության նախարարներ Սեյրան Օհանյանն ու Սաֆար Աբիևը։ Նրանք երկուսն էլ մասնակցում են ՆԱՏՕ-ի անդամ և Աֆղանստանի գծով գործընկեր երկրների պաշտպանության նախարարների նստաշրջանին։
Հանդիպման ժամանակ կողմերը քննարկել են հայ-ադրբեջանական շփման գծում տիրող իրավիճակն ու վերջին զարգացումները։
Հիշեցնենք, որ երեկ հայ-ադրբեջանական շփման գծում զոհվել է 1 և վիրավորվել 2 հայ զինծառայող։ Բացի այդ, զոհվել է նաև ադրբեջանցի 2 զինծառայող։