ԱՄՆ իրավապահ մարմինները բացահայտել են պետական կարգերի պատմության մեջ ամենամեծ կոռուպցիոն սխեմաներից մեկը: Այս մասին գրում է The Washington Post թերթը:
«Այս սխեման պարզապես ապշեցնում է իր ծավալներով,- հայտարարել է Կոլումբիայի շրջանի դատախազ Ռոնալդ Մեչենը։- Չնայած թվացյալ պարզությանը` այն կարող էր հսկայական վնաս հասցնել պետությանը: Ես կարծում եմ, որ հանցագործներին, իրոք, հաջողվել է մեզ բոլորիս զարմացնել»:
Ինչպես հաղորդում է ИТАР-ТАСС-ը, 2007-ից սկսած 4 հանցագործներ մասնավոր ընկերություններին ծառայություններ էին մատուցում ոչ մրցակցային հիմքի վրա կնքվող պայմանագրերի ձևակերպման գործում: Նրանք շահավետ դաշնային պատվերներ էին ուղարկում այն գործարարներին, որոնք իրենց ավելի շատ էին վճարում:
Իրենց գործունեության ամբողջ ընթացքում հանցագործները որպես կաշառք ստացել են 20 մլն դոլար, որը նրանք ծախսել են թանկարժեք բնակարանների, էքսկլյուզիվ մեքենաների, ալկոհոլի, ինչպես նաև ամբողջ աշխարհով մեկ ճանապարհորդելու վրա:
Ընդ որում, իրավապահ մարմինների ներկայացուցիչների խոսքով` հանցագործները չէին պատրաստվում բավարարվել ձեռք բերածով և ընդլայնում էին իրենց գործունեության շրջանակները:
Այսպես՝ մոտ օրերը նրանք պատրաստվում էին զգալիորեն բարելավել իրենց կարողությունները` նոր պայմանագրի դիմաց: Սակայն նրանց ծրագրերը չեն իրականացել: Իրավապահ մարմինների գործողությունների շնորհիվ հանցագործ խմբի անդամները ձերբակալվել են: Նրանց դեմ մեղադրանք է ներկայացվել կոռուպցիայի, մեքենայությւոնների համար, որոնք հանգեցրել են տնտեսական հանցագործությունների:
