Այսօր մեկնարկած «Ինչպիսի՞ն է ժողովրդավարության և քաղաքացիական հասարակության ապագան» խորագրով եռօրյա համաժողովի մասնակիցները խոսեցին ժողովրդավարության նկատմամբ հասարակության վերաբերմունքի մասին, երբ քսան տաի առաջ մարդիկ երազում էին ժողովրդավարություն հաստատել, բայց հիմա խուսափում են դրանից, որովհետև այն խեղվել է:
Եվրասիայի քաղաքականության հարցերով ավագ խորհրդատու Ջեֆ Գոլդսթայնը նշեց, որ կառավարությունների գործունեության պատճառով ժողովրդավարությունը բացասական երանգ է ստանում:
ՄՃԽ փոխնախագահ Ալեն Դելետրոզը հայտարարեց, որ քաղաքական շարժումները Հայաստանում, Վրաստանում, ՌԴ-ում դեռ կանգ չեն առել և օրինակ բերեց Մոսկվայում վերջերս արտահայտվող դժգոհությունները՝ մեծ թվով մարդկանց կողմից. «Այս երկրները շուտով կունենան իրական միջին խավ, որը կպաշտպանի իր իրավունքները , այսինքն՝ բան կունենա կորցնելու»:
ԲՀՀ-ի Լրատվամիջոցների ծրագրի տնօրեն Գորդանա Յանկովիչը ժողովրդավարության «վատ կողմ» համարեց այդ մասին անվերջ խոսելը, սակայն իրական քայլեր չանելը. «Հիմա Թունիսում խնդրում են օտարերկրացիներին հեռու մնալ, որպեսզի իրենք հաստատեն այն համակարգը, որը համահունչ է իրենց»: Համաժողովների մասնակիցները համակարծիք էին, որ «ժողովրդավարության լեզուն» պակաս կարևոր է, մինչդեռ ավելի կարևոր է իրավունքի-արդարադատության լեզուն:
