Այսօր ժամը 13.00-ի սահմաններում ՀՀ ՊՆ ուղղաթիռով Տավուշի մարզ է մեկնել ՀՀ ԱԻ նախարար Արմեն Երիցյանը: Նրան ուղեկցում է ԱԻՆ Հայաստանի փրկարար ծառայության տնօրենի տեղակալ Նիկոլայ Գրիգորյանը:
Քիչ առաջ Տավուշի մարզից տեղեկություն է ստացվել, որ տեղում քննարկվում են պաշտպանության նախարարության օդուժի օգնությամբ հողազանգվածի տակ մնացած մեքենաների դուրս բերման հնարավոր տարբերակները:
Միաժամանակ` ԱԻՆ մասնագետները ուսումնասիրում են սողանքը, որպեսզի գնահատեն դրա վիճակը և պարզեն հնարավոր զարգացումները:
Որոնողափրկարարական աշխատանքները չեն դադարում: Սակայն ինչպես և նախկինում փրկարարները շարունակում են աշխատել ձեռքի ուժով` օգտագործելով բահեր և փրկարարական այլ թեթև գործիքներ, քանի որ ինժեներական ծանր տեխնիկայի օգտագործումը կարող է վտանգավոր լինել` հաշվի առնելով սողանքի ակտիվությունը և եղանակային գործոնները:
