Աջակցելով Ռ. Քոչարյանին` ԲՀԿ-ն իր վրա կվերցնի 2008 թ. մարտյան դեպքերի պատասխանատվությունը: «Առաջին լրատվական»-ի հետ զրույցում, մեկնաբանելով ԲՀԿ ղեկավար Գ. Ծառուկյանի այն միտքը, թե Ռ. Քոչարյանը բարոյական և քաղաքական իրավունք ունի քաղաքական դաշտ վերադառնալու, նման տեսակետ հայտնեց քաղաքական տեխնոլոգ Արմեն Բադալյանը:
«Գագիկ Ծառուկյանն ասել է ընդամենը, որ Քոչարյանն իրավունք ունի քաղաքական դաշտ վերադառնալու։ Դա բնավ չի նշանակում, որ Գագիկ Ծառուկյանն աջակցելու է Ռ. Քոչարյանին»,- ասաց քաղտեխնոլոգն` ընդգծելով, թե ԲՀԿ-ն հասկանում է, որ Ռ. Քոչարյանի վրա են մարտիմեկյան բացասական դեպքերը, և եթե նա իր ճակատագիրը կապի Ռ. Քոչարյանի հետ, իր վրա կվերցնի մարտյան դեպքերի պատասխանատվությունը: Ըստ Ա. Բադալյանի` ԲՀԿ-ն այս փաստը լավ է հասկանում: «Դա պարզապես եղել է պատասխան լրագրողի հարցին, որին հենց այդպիսի պատասխան պետք է տրվեր»,- մեկնաբանեց նա:
