«Սկսած երկուշաբթի օրվանից՝ Facebook-ում կատարված ցանկացած էլեկտրոնային հղում կստուգվի, թե արդյոք այն պարունակու՞մ է վիրուս, որպեսզի չվնասի աշխարհի խոշորագույն սոցիալական ցանցի անվտանգությունը»,- հայտնել է ցանցի ներկայացուցիչը: Այս մասին գրում է Telegraph-ը:
Վիրուսների ստուգումը կիրականացվի էլեկտրոնային հատուկ ծրագրի միջոցով, որը մշակվել է Websense ընկերության կողմից:
Եթե համակարգը ոչ մի վիրուս կամ խնդիր չի հայտնաբերի, ապա օգտատերը կարող է անարգել այդ հղումով անցում կատարել այլ կայք: Եթե ծրագիրը վտանգավոր համարի այդ հղման կիրառումը, ապա կհայտնվի պատուհան, որտեղ կզգուշացվի վիրուսի մասին: Այնուամենայնիվ, օգտատերը կարող է շրջանցել զգուշացումը, և շարունակել իր աշխատանքը:
«Facebook-ը մեծ թիրախ է ինտերնետ-հանցագործների համար»,- հայտարարել է Websense ընկերության ներկայացուցիչ Սփենսեր Փարկերը և հավելել, որ իրենց այս ծրագիրը կարող է պաշտպանել 750 միլիոն օգտատերերի:
