Մոսկվայում Մեծ Բրիտանիայի դեսպանատունը նշում է, որ այսպես կոչված՝ «Մագնիտսկու ցուցակում» հայտնված ռուս գործիչների մուտքը Մեծ Բրիտանիա արգելելու մասին տեղեկատվությունը չի համապատասխանում Բրիտանիայի կառավարության քաղաքականությանը: Այս մասին հաղորդում է BBC-ն:
«Մենք շարունակում ենք անհանգստանալ Մագնիտսկու գործի համար, ինչպես գիտեք, այդ մասին հիշատակել էր նաև վարչապետ Դևիդ Քեմերոնը` Մոսկվա կատարած իր այցելության ժամանակ, բայց պետք է նշել, որ Observer թերթը հարում է խորհրդարանի ընդդիմադիր ուժին և ճիշտ չի ներկայացնում բրիտանական կառավարության քաղաքականությունը»,- ասվում է Մոսկվայում Մեծ Բրիտանիայի դեսպանատան հայտարարության մեջ:
Կիրակի օրը բրիտանական Observer թերթը, հղում կատարելով երկրի արտաքին գործերի նախարարության աղբյուրներին, լուր էր տարածել, որ ՄԵծ Բրիտանիան վիզա չի տրամադրի Hermitage Capital հիմնադրամի իրավաբան Սերգեյ Մագնիտսկու մահվան գործի հետ կապ ունեցող անձանց :