Լոս Անջելեսի բնակիչները, ոգևորված Նյու Յորքի բողոքի ակցիաներից, վրանային ճամբար են ստեղծել քաղաքապետարանի շենքի դիմաց: Ինչպես հաղորդում է Los Angeles Times թերթը, կիրակի օրը մի քանի հարյուր մարդ երթ է սկսել ` բողոքելով կառավարության վրա խոշոր կորպորացիաների ազդեցության դեմ: Անցնող մեքենաները, որպես աջակցություն, միացրել են ազդանշանները:
«Ցույցը շատ խաղաղ է եղել»,- տեղեկացրել է Լոս Անջելեսի ոստիկանության ղեկավար Միտցի Ֆիերոն: Նրա խոսքով` հավաքների ազատությունը նախատեսվում է համաձայն ԱՄՆ սահմանադրության առաջին վերափոխման, և ոստիկանությունը չի կարող խոչընդոտել ակցիաների անցկացմանը, եթե օրենքը չխախտվի:
«Գրավեք Ուոլ Սթրիթը»-ի համանմանությամբ` ցուցարարներն իրենց ակցիան անվանել են «Գրավեք Լոս Անջելեսը»: Այն կազմակերպվել է համացանցի միջոցով:
Ցուցարարները պատրաստվում են վրաններում անցկացնել արդեն երկրորդ օրը:
Հիշեցնենք, շաբաթ օրը Նյու Յորքում ձերբակալվել է 700 ցուցարար, որոնց այնուհետև ազատ են արձակել: «Գրավեք Ուոլ Սթրիթը» ակցիան շարունակվում է արդեն երկրորդ շաբաթն անընդմեջ: Նրա մասնակիցները հանդես են գալիս ԱՄՆ ֆինանսական ինստիտուտների և կորպորացիաների չարաշահումների դեմ:
