Եգիպտոսի զինված ուժերի բարձրագույն խորհրդի ղեկավար, ֆելդմարշալ Հուսեյն Տանտաուին, ցուցմունք տալով այդ երկրի նախկին ղեկավար Հոսնի Մուբարաքի դատավարության ժամանակ, ասել է, որ պաշտոնանկ արված նախագահը երբեք իրեն ժողովրդի վրա կրակ բացելու հրաման չի տվել: Այս մասին հաղորդում է Reuters գործակալությունը:
«Ցուցարարների վրա կրակ բացելու հրաման մենք չենք ստացել և նման պայմաններում զենք չէինք էլ կիրառի»,- ասել է ֆելդմարշալը դատաավրության ժամանակ: «Իմ ցուցմունքները ցուցարարների սպանության գործով ապացույց են, որ այս ամենաազնիվ մարդկանցից մեկը (Մուբարաքը.- 1in.am), որը 40 տարի շարունակ կռվել է իր երկրի համար և ծառայել հանուն Աստծո և Եգիպտոսի, անմեղ է»,- ասել է Տանտաուին:
Մուբարաքի փաստաբանները նշել են, որ Բարձրագույն զինվորական խորհրդի ղեկավարի ցուցմունքները կարող են զգալիորեն ազդել դատավարության ճակատագրի վրա:
