Եվրահանձնաժողովի նախագահ Ուրսուլա ֆոն դեր Լայենը և ԱՄՆ նախագահ Դոնալդ Թրամփը դրական հեռախոսազրույց են ունեցել մաքսային տուրքերի վեճի շուրջ:
Ինչպես հաղորդում է «Ինտերֆաքս»-ը, այս մասին ճեպազրույցի ժամանակ հայտնել է Եվրահանձնաժողովի մամուլի քարտուղար Պաուլա Պինյուն:
«Դա իսկապես լավ զրույց էր։ Նրանք համաձայնեցին արագացնել առևտրային բանակցությունները և շարունակել սերտ կապի մեջ մնալ:
Ինչ վերաբերում է զրույցի բովանդակությանը, ապա պարզ է, որ ես չեմ կարող դրա մասին պատմել։ Բայց կարող եմ ասել, որ մենք խոսում էինք գոյություն ունեցող ամենասերտ առևտրային հարաբերությունների մասին։ Իհարկե, սրանք դժվար բանակցություններ են, որոնք ժամանակ են պահանջում, և այս զրույցը նոր դինամիկա է հաղորդում բանակցություններին»,- ասել է Պինյուն։
