Թուրքական Vatan թերթի փոխանցմամբ՝ թուրք-սիրիական տնտեսական պատերազմը նոր թափ է հավաքում։ Պաշտոնական Անկարան պատրաստվում է սառեցնել թուրքական բանկերում Սիրիայի նախագահ Բաշար Ալ-Ասադի և նրա ընտանիքի հաշիվները։
Խոսքը գնում է 450-500 միլիոն դոլարի մասին։ Նշվում է, որ Ռուսաստանում էլ Ասադն ունի 2 միլիարդ դոլար։ Այժմ վտանգի տակ են նաև մի շարք սիրիացի գործարարներ, որոնք խոշոր գումարներ ունեն Թուրքիայում։
Հիշեցնենք, որ վերջին շրջանում թուրքական ու սիրիական կողմերը փոխադարձ պատժամիջոցներ էին սահմանել միմյանց հանդեպ։ Նախ՝ Թուրքիան իր օդային տարածքը փակեց Սիրիային ռազմական բեռներ փոխադրող ինքնաթիռների առջև, ապա Սիրիան արգելք դրեց թուրքական ամեն տիպի ապրանքների ներկրման վրա։
