ՀՀ ֆինանսների փոխնախարար Պավել Սաֆարյանը, «Առաջին լրատվական»-ի հետ զրույցում ներկայացնելով բյուջեում կատարված փոփոխությունները, նշեց, որ ՀՀ Ազգային ժողովի մշտական հանձնաժողովներում և լիագումար նիստում այդ հանձնաժողովների, պատգամավորական խմբերի, խմբակցությունների և անհատ պատգամավորների կողմից ներկայացված է եղել 612 առաջարկություն, որոնցից ընդունվել է 212-ը (34.4%-ը): «Բոլոր առաջարկությունները չէ, որ վերաբերել են լրացուցիչ գումարների հատկացմանը, շատ առաջարկություններ պարզաբանման, հարցադրումների բնույթ ունեին, որոշներն էլ վերաբաշխում էին ենթադրում: Բոլոր 616 առաջարկություններով նախատեսված լրացուցիչ ծախսերի ծավալը, եթե հաշվի չառնվեն նաև կրկնությունները, կազմում են 26.8 մլրդ դրամ: Մնացածն էլ տնտեսության ճյուղերում է առաջարկվել»,- նշեց փոխնախարարը: