Սիրիայի արտաքին գործերի նախարարությունը կոշտ քննադատության է ենթարկել ամերիկյան իշխանություններին «զինված ահաբեկիչներին» աջակցելու համար, որոնք հարձակումներ են գործում բանակային ստորաբաժանումների վրա: Սիրիական կողմի կարծիքով` նման աջակցությունը հստակ ցուցադրում է, որ «ԱՄՆ-ն ներգրավված է Սիրիայում տեղի ունեցող զարգացումներում»: Այս մասին հաղորդում է Xinhua գործակալությունը:
Այս հայտարարությունը հետևել է պետքարտուղարության պաշտոնական ներկայացուցիչ Մարկ Թոների այն հայտարարությանը, համաձայն որի՝ սիրիական ստորաբաժանումների վրա կատարվող հարձակումներն «լիովին նորմալ պրակտիկա են»: Այս հայտարարությունը սիրիացիները դիտարկել են իբրև ահաբեկչություններ իրականացնելու և Սիրիայում անարխիա հաստատելու կոչ:
Բացի այդ, չինական գործակալության լրագրողն ասել է, որ մինչև Սիրիայում ԱՄՆ դեսպանի վրա կատարված հարձակումը, նրա մեքենան հարվածել է ցուցարարներից մեկին, որը միջին ծանրության վնասվածքներ է ստացել: Հիշեցնենք, որ խոսքը նախորդ օրը Սիրիայի դեսպանի ուղղությամբ շպրտված լոլիկների և քարերի մասին է, ինչը որակվել էր որպես հարձակում: Մեկ այլ աղբյուր նշել է, որ դեսպանի մեքենան պարզապես ցանկացել է դուրս գալ ամբոխի միջից` խուսափելով հարձակումից:
