Բելգիայի մայրաքաղաք Բրյուսելում մուսուլմանը ծեծել է ոստիկանին, երբ վերջինս պահանջել է նրա կնոջից հանել դեմքն ամբողջությամբ ծածկող փարանջան:
Դեպքը տեղի է ունեցել բրյուսելյան Սեն Ժոսս կոմունում, որտեղ ոստիկանները փողոցում կանգնեցրել են մուսուլման կնոջը և պահանջել բացել դեմքը` նրա ինքնությունը պարզելու համար: Ի պատասխան՝ կնոջ ամուսինը հարձակվել է ոստիկաններից մեկի վրա` նրան հասցնելով մարմնական վնասվածքներ, իսկ մյուսներին սպառնացել է սպանել, եթե նրանք բռնի ստիպեն իր կնոջը բացել դեմքը:
Մուսուլման տղամարդը ձերբակալվել է. նրա դեմ մեղադրանք կհարուցվի, իսկ կինը ստիպված կլինի տուգանք վճարել փարանջա կրելու համար:
Հիշեցնենք, հուլիսի 23-ին Բելգիայում ուժի մեջ է մտել հասարակական վայրերում փարանջան արգելող օրենք, որը խախտելու համար նախատեսվում է մինչև 7 օր ազատազրկում կամ 137,5 եվրո տուգանք: