2011 թ. Խաղաղության Նոբելյան մրցանակին հավակնում են նաև արաբ բլոգերները, որոնք, օգտագործելով սոցիալական ցանցերը, հեղափոխություններ են կազմակերել Մերձավոր Արևելքի և Հյուսիսային Աֆրիկայի երկրներում: Այսպիսի կարծիք է հայտնել Նորվեգիայի արտաքին գործերի նախարար Յան Էգլանդը: Այս մասին հաղորդում է Reuters գործակալությունը:
Նրա խոսքերով` մրցանակի հանձնաժողովն այս անվանակարգում ցանկանում է արտացոլել միջազգային խոշոր իրադարձությունները: Հետևելով այդ տրամաբանությանը` Նոբելյան հանձնաժողովը մրցանակ կարող է շնորհել Վայել Ղոնիմին, որը ակտիվ մասնակցություն է ունեցել եգիպտական հեղափոխության կազմակերպմանը, ինչպես նաև Թունիսում աչքի ընկած բլոգեր Բեն Մեննին:
Էգլանդ այս կապակցությամբ հայտարարել է, որ ոչ մի բան նույնիսկ մոտ չէ արաբական հեղափոխությունների իրադարձությանը, որոնք շրջադարձային ազդեցություն են ունեցել: Այս կարծիքին է նաև Օսլոյում Խաղաղության խնդիրների ուսումնասիրության ինստիտուտի տնօրեն Քրիստիան Բերգ Հարփվիքենը:
Խաղաղության Նոբելյան մրցանակակրի անունը պարզ կդառնա հոկտեմբերի 7-ին: Առավել հավանական թեկնածուներ են համարվում նաև Գերմանիայի նախկին կանցլեր Հելմուտ Քոլը, WikiLeaks-ի հիմնադիր Ջուլիան Ասանժը, ռուսաստանցի իրավապաշտպան Սվետլանա Գանուշկինան:
