«Հրապարակ»-ը գրում է, որ այս օրերին իշխանական օթյակներում ակտիվորեն քննարկվում է, թե 2012-ի խորհրդարանական ընտրություններին ԱԺ մեծամասնական ընտրակարգով ով որտեղ է առաջադրվելու:
Ըստ թերթի` նախագահականից որոշ օլիգարխների արգելվել է առաջադրել իրենց թեկնածությունները: Դրանց թվում են` Ալրաղացի Լյովիկը, Նեմեց Ռուբոն, «Ջերմուկի» Աշոտ Արսենյանը:
«Այդուհանդերձ, մեր տեղեկություններով, Սերժ Սարգսյանը հստակ որոշում է կայացրել և 2012-ի խորհրդարանական ընտրություններին Կենտրոն համայնքում մեծամասնական ընտրակարգով առաջադրվելու է նախկին քաղաքապետ, ՀՀԿ-ական Գագիկ Բեգլարյանը: Իսկ ընտրությունը կանգ է առել Բեգլարյանի վրա նախևառաջ այն պատճառով, որ նա իր կապերով և լծակներով կարող է կուսակցության համար ապահովել ընտրաձայների ամենաբարձր տոկոսը:
Պաշոտնաթողությունից ամիսներ անց Բեգլարյանի վերադարձը ՀՀԿ խորհուրդ, որի վերջին նիստերին մասնակցել է նա, վկայում է այն մասին, որ «անառակ որդուն» ներել են»,- գրում է «Հրապարակ»-ը:
