Սեպտեմբերի 28-ին հանրապետությունը դեռ կգտնվի հյուսիսարևելյան ցուրտ օդային հոսանքների ազդեցության գոտում, որոնք մասնավորապես մեծ ազդեցություն կունենան Լոռիի, Տավուշի և Սյունիքի մարզերում: Լոռիում և Տավուշում ամպամածություն է սպասվում, Սյունիքում` ժամանակ առ ժամանակ տեղումներ: «Առաջին լրատվականի» հետ զրույցում տեղեկացրեց «Հայպետհիդրոմետ» ծառայության օդերևութաբանական կանխատեսումների բաժնի պետ Գագիկ Սուրենյանը:
Նրա խոսքով`սեպտեմբերի 29-ին, մասնավորապես օրվա երկրորդ կեսին հանրապետության հյուսիսային շրջաններում սպասվում է անձրև ու ամպրոպ:
Ինչ վերաբերում է օդի ջերմային ֆոնին, ապա վաղը օդի ջրմաստիճանը հանրապետությունում էապես չի փոխվի: Լոռիում, Սյունիքում և Տավուշում ջերմաստիճանը բավականին ցածր կլինի` առավելագույն ջերմաստիճանը չի գերազանցի 14-15 աստիճանը, սեպտեմբերի 29-ին հարավ-արևմուտքից հանրապետություն կներխուժեն տաք օդային հոսանքներ: Լոռիում, Սյունիքում ջերմաստիճանը կբարձրանա 6-8 աստիճանով, հանրապետության մյուս շրջաններում`2-4 աստիճավով:
Երևանում առաջիկա երկու օրերին էական տեղումներ չեն սպասվում, միայն ամսի 29-ին երեկոյան ժամերին հնարավոր է ամպրոպ: Օդի ջերմաստիճանը գիշերը կլինի 10-12, ցերեկը` 24-26 աստիճանի սահմաններում:
