ՅՈՒԿՈՍ-ի նախկին ղեկավար Միխայիլ Խոդորկովսկին իր հերթական հոդվածն է գրել Newsweek ամսագրի համար, որում խոսելով ռուս-ամերիկյան վերբեռնման հաջողությունների մասին՝ գալիս է այն եզրակացության, որ Ռուսաստանի և ԱՄՆ քաղաքական և տնտեսական հարաբերություններում գրանցված առաջընթացը իրականացել է, մեծ հաշվով, այն բանի հաշվին, որ «ժողովրդավարական արժեքների և մարդու իրավունքների հարցը զոհ է գնացել real politik-ին»:
Ընդունելով, որ կողմերը վերբեռնման քաղաքականության ընթացքում քիչ բանի չեն հասել՝ Խոդորկովսկին նաև նշում է, որ ԱՄՆ կողմից պատասխան քայլերը ոչ այնքան նպատակ ունեն աջակցել Ռուսաստանին մտնելու Առևտրի միջազգային կազմակերպություն կամ ընդառաջ գնալու վիզային սահմանափակումների թեթևացմանը:
Ինչպես գրում է ՅՈՒԿՈՍ-ի նախկին ղեկավարը, ամերիկյան առաջնայնությունն այժմ ունի ինչպես բարոյական, այնպես էլ տնտեսական ասպեկտներ: Մարդիկ վստահում են ԱՄՆ-ում ձևավորված ազատության իդեալներին և հավատում են դոլարին: «Սակայն ներկայի թափանցիկ ինֆորմացիոն աշխարհում ցանկացած երկերեսանիություն, առաջ քաշված իդեալներից նահանջ հեղինակությանը հարվածում է ավելի ուժեղ և ավելի ցավոտ, քան 50 տարի առաջ»,- գրում է Խոդորկովսկին:
Հոդվածագիրը նշում է, որ այժմ ԱՄՆ-ը պետք է հաշվի առնի այն իրականությունը, ըստ որի մարդկանց բարեկեցիկ վիճակի աճը գերազանցում է հումքային պահանջմունքները, և առաջին հերթին էներգետիկ ռեսուրսները: Արդյունքում ԱՄՆ-ը ստիպված է «հաշտվել ցանկացած տեսակի վարչակարգ ունեցող երկրների հետ, կամ զինված հակամարտության գնալ»:
Խոդորկովսկին համոզված է, որ նման խնդրի լուծման համար տարբերակների սխալ ընտրության դեպքում ուժեղ հարված կարող է հասցվել երկրի բարոյական կապիտալին, ինչը կորցնելով ԱՄՆ-ը կկրոցնի համաշխարհային ժողովրդավարական առաջնորդի կարգավիճակը:
Նա կարծում է, որ ԱՄՆ-ը դեռ հնարավորություն ունի «ինտելեկտի ուժով» իդեալները վերադարձնել կենտրոնական տեղ քաղաքականության մեջ և լուծել տնտեսական խնդիրները: Հոդվածագիրը համոզված է, որ եթե ժամանակին ԱՄՆ-ն ավելի մեծ ուշադրություն դարձներ էներգիայի տնտեսման և էներգաարտադրության խնդիրներին, ապա իրադրությունն այլ կլիներ:
Քանի որ ամերիկյան տնտեսությունը և ամերիկյան բարոյական առաջնայնությունը սերտորեն կապված են, Վաշինգտոնի կողմից մարդասիրական արժեքներից հրաժարվելը կարող է ԱՄՆ-ին սպառնալ երկու գերտերությունների հակամարտության մեջ դառնալ երկրորդ պարտվող կողմը:
