ԱԻՆ մամուլի ծառայությունը տեղեկացնում է, որ այսօր, ժամը 13:34-ին ահազանգ է ստացվել, որ Երևանի Տիգրան Մեծի պողոտայի 46 շենքի 37 բնակարանում հրդեհ է բռնկվել: Դեպքի վայր է մեկնել 1 մարտական հաշվարկ: Հրդեհի մասին տեղեկացվել են «1.03» և «1.02» ծառայությունները: Հրդեհը մեկուսացվել է 13:50-ին, մարվել` 14:01-ին:
Այրվել է Մարուսյա Եղիազարյանին պատկանող բնակարանի միջանցքը և խոհանոցը (25 ք/մ): Հրդեհի հետևանքով 1935 թ. ծնված Մարուսյա եղիազարյանը ծխահարվել է: Տանտիրուհին բժշկական օգնություն է ստացել շտապօգնության աշխատակիցների կողմից և հրաժարվել հիվանդանոց տեղափոխվելուց:
