ԼՂՀ նախկին արտգործնախարար Արման Մելիքյանի գնահատմամբ՝ ՄԱԿ-ի նստաշրջանի օրակարգում ընդգրկված ԼՂ հարցի ճակատագիրը կախված կլինի համանախագահող երկրների դիրքորոշումից:
«Առաջին լրատվականի» հետ զրույցում Մելիքյանը նկատեց, որ անկախ այն հանգամանքից՝ կքննարկվի այդ հարցը, թե ոչ, ակնհայտ է, որ Հայաստանի արտաքին քաղաքականությունը փոփոխելու խնդիր կա. «Մենք պետք է հիմնենք մեր համար արտաքին քաղաքական նոր ուղեգիծ, քանզի առ այսօր ՄԱԿ-ում եղած քննարկումների հարցում Հայաստանն ապավինել է համանախագահող երկրների ընդդիմությանը»:
Մելիքյանը նկատեց, որ շատ հնարավոր է, որ այսօր համանախագահողների այդ ընդդիմությունը և մոտեցումը փոխվի, և այդ պարագայում ԼՂ հարցի քննարկումը կարող է Հայաստանին տհաճ անակնկալներ մատուցել:
Այդուամենայնիվ, Մելիքյանը հավելեց, որ անգամ եթե ինչ-որ հարցերում ՄԱԿ-ի կողմից դատապարտվեն հայկական կողմի գործողությունները, ապա դա աշխարհի վերջը չէ: