Իսրայելցի դիվանագետները, ովքեր տարհանվել էին Կահիրեում Իսրայելի դեսպանատան վրա իրականացված հարձակման ժամանակ, վերադարձել են Եգիպտոս և անցել իրենց պարտականությունների կատարմանը: Այս մասին հայտնում է եգիպտական «Ալ-Ահրամ» թերթը:
Հիշեցնենք, որ սեպտեմբերի 9-ին Կահիրեում մի քանի հարյուր եգիպտացիներ հարձակվել էին Իսրայելի դեսպանատան վրա, քանդել այն պաշտպանող պարիսպը և հակաիսրայելական կարգախոսների ներքո ներխուժել դիվանագիտական ներկայացուցչություն, ինչի հետևանքով Իսրայելի կառավարությունը ստիպված էր տարհանել իր դիվանագետներին հարևան երկրից:
