Ասիայի բորսայական ինդեքսները նվազում են

Ասիական ֆոնդային շուկաներում ֆիքսվել է ինդեքսների բացասական զարգացում այն ֆոնի վրա, որ եվրոպական պարտքային ճգնաժամը կբերի համաշխարհային տնտեսության զարգացման տեմպի դանդաղեցմանը,- վկայում են աճուրդի տվյալները:
Հոնգ Կոնգի Hang Seng-ը իջել է 2.1%-ով` մինչև 19047.15 նիշ: Կորեական KOSPI-ն նվազել է 0.49%-ով մինչև 1831.12 նիշ: Շանհային ֆոնդային բորսայի SSE Composite ինդեքսը ընկել է 1.41%-ով` կազմելով 2447.38 նիշ:
Ճապոնիայում աճուրդ չի իրականացվում` կապված ազգային տոնի հետ:
Բաժնետոմսերի հանդեպ պահանջարկը նվազում է այն բանից հետո, երբ եվրոպական լիդերները այդպես էլ չներկայացրին եվրագոտու պարտքային խնդիրը լուծելու միասնական ծրագիր:
«Ներդրողները հույս ունեին լսել եվրոպական իշխանությունների հաստատուն պատասխանը Եվրոպայի պարտքային ճգնաժամի վերաբերյալ, իսկ դրա փոխարեն նրանք ստացան ավելի մեծ անորոշություն»,- նշում է Pengana Capital Ltd.-ի ղեկավարի օգնական Թիմ Շրեդերսը, որի կարծիքը մեջբերում է Bloomberg-ը: