Այսօր Երևանում մեկնարկեց Fruitful Armenia 7-րդ միջազգային համաժողովը, որի թեման այս անգամ գործիքներն են` ֆերմերների, խաղողագործների և կրթության համար: Ներկաներին Վեհափառի օրհնությունը փոխանցեց գերաշնորհ Տեր Նաթան եպիսկոպոս Հովհաննիսյանը:
Փոխվարչապետ Արմեն Գևորգյանը նշեց, որ այս համաժողովն իր յուրահատուկ դերն ունի: Նա հատուկ շնորհակալություն հայտնեց արգենտինահայ բարերար էդուարդո էռնեկյանին` բարձր գնահատելով օդանավակայանի արդիականացումը, «Յուրաքանչյուր աշակերտին մեկ համակարգիչ» ծրագրի նախաձեռնությունը, փոստի, գյուղատնտեսության ոլորտում իրականացվող աշխատանքները:
Գյուղնախարար Սերգո Կարապետյանը ներկայացրեց Հայաստանում գինեգործության պատմությունը: Համաժողովին մասնակցում էին հայտնի գիտնականներ և փորձագետներ` շուրջ 30 երկրներից:
Համաժողովի ժամանակ Հայաստանի գործարարների և արդյունաբերողների միության նախագահ Արսեն Ղազարյանը և Արգենտինայի գործարարների միության նախագահ Խոսե Իգնասիո դե Մենտիգուրեն ստորագրեցին համագործակցության հուշագիր: