ՄԱԿ-ը հանդես է եկել հայտարարությամբ, որով կոչ է անում գումար հավաքել մուսոնային անձրևներից առաջացած ջրհեղեղներից տուժած միլիոնավոր պակիստանցիներին օգնություն ցուցաբերելու համար: ՄԱԿ-ում ասել են, որ անհրաժեշտ է 365 միլիոն դոլար, որպեսզի օգնություն ցուցաբերվի Պակիստանի կառավարությանը` վերականգնելու աղետից տուժած շրջանները: Այս մասին հաղորդում է BBC-ն:
Պակիստանի վարչապետ Յուսուֆ Գիլանին ներկայումս այցելում է շրջաններ, որոնք տուժել են ջրհեղեղներից: Կառավարության արձագանքը, որ եղել է այս աղետից հետո, լուրջ քննադատություն է առաջացել տեղի բնակչության կողմից, քանի որ երկու տարի անընդմեջ կառավարությունը չի կանխում հազարավոր զոհերը: