Մեքսիկայի իշխանությունները հայտարարել են, որ Մոնտերեյ քաղաքի ավելի քան 100 ոստիկաններ, հնարավոր է, կապ են ունեցել կազմակերպված հանցավորության հետ: Մոնտերեյի մերձակա Սանտա-Կատարինա քաղաքի իշխանությունները հայտնել են, որ ոստիկանական տեղի բաժանմունքի ծառայողական անձնակազմի գրեթե կեսը կասկածվում է հանցագործ աշխարհի հետ սերտ համագործակցելու մեջ:
Հիշեցնենք, որ Մոնտերեյի կազինոներից մեկում տեղի ունեցած պայթյունի փաստով հարուցված քրեական գործի նախաքննության ժամանակ ձերբակալվել էր մի ոստիկան, ով, ըստ իրավապահների, կապ է ունեցել հանցագործների հետ, ում իրականացրած ահաբեկչության հետևանքով զոհվել է 52 մարդ: