Իսպանական Turiel and Beloque ընկերության փաստաբաններից մեկը հայտարարել է, որ Իբիցայի դատարանը բավարար ջանքեր չի գործադրում Սաուդյան Արաբիայի թագաժառանգ Վալիդ Բեն Թալալի կողմից հնարավոր բռնաբարության գործի բացահայտման ուղղությամբ:
Տուժածի փաստաբանը հայտարարել է նաև, որ հանցագործության ժամանակ դեպքի վայրում գտնվող անձանց նույնսիկ չեն հարցաքննել: Իսպանացի մոդելը, ում հանդեպ սեռական բռնություն է տեղի ունեցել, հայտարարել է, որ դեպքը տեղի է ունեցել 2008 թ., երբ նա ընդամենը 20 տարեկան էր: Նա հայտարարել է, որ Իբիցայում կայանած նավի վրա մասնակցել է մի երեկույթի, որտեղ ուշագնաց է եղել և արթնացել է այն ժամանակ, երբ անծանոթ մի տղամարդ առանց իր համաձայնության սեռական բնույթի գործողություններ էր իրականացնում իր նկատմամբ: Տղամարդուն նա չի ճանաչել, սակայն հետագայում իմացել է, որ դա Սաուդյան Արաբիայի թագաժառանգն էր:
Վալիդ Բեն Թալալի ներկայացուցիչները հերքել են այս մեղադրանքները և հայտարարել, որ թագաժառանգը վերջին 10 տարիների ընթացքում Իբիցա չի այցելել:
