Շվեդիայի վարչապետ Ֆրեդրիկ Ռեյնֆելդը ուղերձով դիմել է երկրի խորհրդարանին, որով երկրի բնակչությանը կոչ է արել նախապատրաստվել տնտեսական ճգնաժամին: Այս մասին հաղորդում է Reuters գործակալությունը:
«Մենք չգիտենք, թե որքան այն կտևի և որքան լուրջ կլինի, սակայն մի բան պարզ է` այն անխուսափելի է: Համաշխարհային տնտեսության աճը դանդաղում է, և դա կարող է հանգեցնել գործազրկության աճին ու բարեփոխումներ անցկացնելու հնարավորությունների սահմանափակմանը: Մենք պետք է պատրաստ լինենք անկայունությանը և տնտեսական ապագա դժվարություններին»,- ասել է Ռեյնֆելդը:
Վարչապետ Ֆրեդրիկ Ռեյնֆելդը խոստացել է, որ չի դիմելու ծախսերի կրճատման քաղաքականությանը և անելու է ամեն հնարավորը, որպեսզի ստեղծի նոր աշխատատեղեր:
