Թեեւ ոստիկանները թույլ չեն տալիս ընդդիմության կազմակերպած պիկետի մասնակիցներին մոտենալու Կառավարության ընդունելությունների տանը, սակայն այդուհանդերձ որոշ ցուցարարների հաջողվել է մոտենալ եւ նամակներ հանձնել համաժողովի մասնակիցներին: Եվրոպացի որոշ մասնակիցներ ՀՀ նախկին արտգործնախարար Ա. Արզումանյանի կնոջը՝ Մելիսա Բրաունին, խնդրել են պատմել, թե ինչ է կատարվում Հայաստանում: Պարզվել է, որ մասնակիցներից մեկը ԵԽԽՎ-ի մոնիտորինգի հանձնաժողովի անդամ է, ե խոստացել է Եվրոպա վերադառնալուց հետո անպայման բարձրացնել ներհայաստանյան քաղաքական խնդիրների թնջուկը:
