Երևանի չորս բուհեր շուտով կապահովվեն անվճար WiFi-ինտերնետով: Վաղը՝ սեպտեմբերի 16-ին, Երևանի պետական համալսարանի կենտրոնական մասնաշենքի նախասրահում տեղի կունենա Orange WiFi-անկյունի պաշտոնական բացումը։ Նույն օրը WiFi-ինտերնետ կտեղադրվի Հայաստանի պետական ագրարային համալսարանում։
Ինչպես հայտնում է PCNews-ը, արդեն մյուս շաբաթ WiFi-անկյուններ կունենան նաև Երևանի պետական լեզվաբանական համալսարանն ու Երևանի պետական տնտեսագիտական համալսարանը:
«Ինտերնետ առանց սահմանների» ծրագիրը կյանքի է կոչվել Հայաստանի երիտասարդական հիմնադրամի կողմից՝ հաշվի առնելով ուսանողների կարիքը և կրթական գործընթացում համացանցի խիստ անհրաժեշտությունը։ ՀԵՀ-ի մամուլի ծառայությունից տեղեկացնում են, որ ծրագիրը շարունակական է, և առաջիկայում անվճար WiFi-անկյուններ կբացվեն Երևանի բոլոր պետական ու ոչ պետական բուհերում և ավագ դպրոցներում։
