Կոսովոյի վարչապետ Հաշիմ Թաչին երեկ Սերբիային մեղադրել է հյուսիսային սահմանային անցակետերին առնչվող պաշտոնական Պրիշտինայի ծրագրերը խափանելու մեջ: Այս մասին հաղորդում է «Ազատություն» ռադիոկայանը` հավելելով, թե Թաչին զգուշացրել է, որ սերբական իշխանությունների նման գործողությունները մեծ վտանգ են ներկայացնում և կարող են հանգեցնել սահմանային լարվածության աճին:
Ավելի վաղ Սերբիայի նախագահ Բորիս Տադիչը հայտարարել է, որ Սերբիայի սահմանին ալբանացի ոստիկանների տեղակայումը կարող է նոր բախումներ առաջացնել: Կոսովոյի իշխանությունները պատրաստվում են ի կատար ածել իրենց ծրագիրը, համաձայն որի՝ Կոսովոյի հյուսիսում բնակվող սերբական մեծամասնությունը սահմանային անցակետի վերահսկողությունը պետք է հանձնի կենտրոնական իշխանություններին:
