Վերջին 20 տարիների ընթացքում մինչև 5 տարեկան երեխաների մահացության թիվը 12 միլիոնից հասել է 7.5 միլիոնի: Այս մասին ասվում է Առողջապահության համաշխարհային կազմակերպության և ՄԱԿ-ի մանկական հիմնադրամի` ՅՈՒՆԻՍԵՖ-ի համատեղ զեկույցում:
Ինչպես նշում են զեկույցի հեղինակները, դա կապված է մի շարք գործոնների, այդ թվում` բժշկական սպասարկման որակի բարձրացման և իմունային համակարգի ամրապնդման հետ: Այս մասին հաղորդում է «Ազատություն» ռադիոկայանը: Միաժամանակ զեկույցում ասվում է, որ ամեն օր աշխարհում մահանում է ավելի քան 20 հազար երեխա, և որ մանկական մահացության թիվն իջեցնելու համար դեռ շատ բան պետք է արվի:
