Իսպանիայի հարավում գտնվող Վալվերդե դել Կամինո քաղաքում ոստիկանությունը գրեթե ողջ կազմով հիվանդության պատճառով արձակուրդ է վերցրել:
Տկարության կոլեկտիվ նոպան ոստիկանները բացատրել հոգեկան անհարմարություններով, ինչը կապված է չորս ամիս աշխատավարձ չստանալու հետ: Վալվերդե դել Կամինոն մտնում է Անդալուսիայի Ուելվա նահանգի մեջ: Այն ունի մոտավորապես 13 հազար բնակիչ:
Տասնվեց ոստիկաններից հիվանդացել են տասնչորսը: Նրանք ամբողջ օրն անց են կացրել քաղաքապետարանի շենքում: Իրավապահները հայտարարել են, որ իրենց ակցիան գործադուլ չէ, քանի որ իսպանական օրենքներն արգելում են ոստիկաններին գործադուլ անել:
Ինչպես հայտնում է BBC-ի լրագրողը, իսպանական քաղաքային իշխանությունների աշխատակիցներից շատերը պարտքեր են կուտակել, որոնք իրենք, ըստ իրենց խոսքերի, չեն կարող վճարել:
