Լիբիական Միսրատա քաղաքում գնդակահարվել է Մուամար Քադաֆիի 85 վարձկան, որոնց ապստամբները գերի էին վերցրել տեղի շենքերից մեկում: Նրանց մեջ կային Խորվաթիայի՝ 9, Սերբիայի՝ 12, Ուկրաինայի՝ 11 և Կոլումբիայի՝ 10 քաղաքացի: Այս մասին հայտնում են խորվաթական ԶԼՄ-ները:
«Մենք ճշտում ենք այս տեղեկությունները», – Interfax-ին ասել է Ուկրաինայի ԱԳՆ մամլո խոսնակ Ալեքսանդր Դիկուսարովը:
Միևնույն ժամանակ՝ ինչպես հայտնի է դարձել ITAR-TASS-ին, Ազգային անցումային խորհրդի ձեռքերում գտնվող ուկրաինացի քաղաքացիները, որոնց մեղադրում են Մուամար Քադաֆիի ռեժիմին ռազմական աջակցություն ցույց տալու մեջ, «դեռևս գտնվում են կալանքի տակ, մինչև մանրամասն կերպով կորոշվի նրանց մասնակցությունը և Լիբիայում գտնվելու իրական պատճառները»:
«Ուկրաինայի ավելի քան երկու տասնյակ քաղաքացիներ գտվում են հսկողության տակ՝ Լիբիայի մայրաքաղաք Տրիպոլիի արևելքում և արևմոտքում, նրանց հետ նորմալ են վերաբերվում, նորմալ սնունդ և ջուր են տրամադրում: Սակայն նրանց ազատման ժամկետների մասին որևէ տեղեկութոյւն չկա, հնարավոր է, որ դրա համար պահանջվի երկու կամ երեք շաբաթ», – գործակալությանն ասել են հյուսիսաֆրիկյան հանրապետությունում ապրող ուկրաինացի բժիշները:
Ազգային անցումային խորհուրդը ձերբակալվածներին մեղադրում է նրանում, որ վերջիններս իբր թե մասնակցել են Քադաֆիի կողմից իրականացվող ռազմական գործողություններին: Սակայն իրենք` ուկրաինացիները հերքում են այդ մեղադրանքները և ավելացնում, որ իրենք այդտեղ են գտնվել բացառապես խաղաղ նպատակներով և աշխատել են իբրև խոհարար, վարորդ և ինժեներ:
Ուկրաինացի բժիշկները չեն կարողացել նաև հաստատել ԶԼՄ-ներում տարածված այն տեղեկատվությունը, որ իբր Լիբիայի Միսրատա նահանգում գնդակահարվել են 11 ուկրաինացիներ: «Մենք որևէ տեղեկություն չունենք դրա վերաբերյալ», – ասել են բժիշկները:
