Պետք է շարունակել բանակցությունները Ադրբեջանի հետ՝ վերադարձի ավտոնոմ ռեսպուբլիկայի շրջանակում։ «Առաջին լրատվական»-ի հետ զրույցում նշեց «Միասնական հայրենիք»կուսակցության նախագահ Սամվել Բաբայանը։
Բաբայանի խոսքով՝ եթե Ադրբեջանը փորձում է իր տարածքը դարձնել պոլիգոն, թող անի. «Բաքուն չէր սպասում,, որ մինչև վերջին մարդը դուրս էր գալու։ Արցախում այսօր մոտ 32-33 մարդ է, ոչ ավելին, այն էլ ծերեր։ Արցախում այդ պարետը կա, նշանակվել է նման անձ։ Աշխատանք է տարվում, ոմանց համոզում են հետ գնալ Արցախ։ Խնդրում եմ մեր արցախահայերին ոտքը առաջ չդնի, մինչև կարգավիճակ չստանանք, Մարդ է պետք, որին մարդիկ կվստահեն ու կվերադառնան Արցախ
Բաբայանի փոխանցմամբ՝ 22 գեներալ է ԼՂ-ից դուրս եկել, իսկ ինչ վերաբերում է իր սահմանը հատելու մասին խոսակցություններին, Բաբայանը նորից նշեց. «Մեքենայից իջել եմ, քսան քայլ արել եմ ու հետո մեքենա նստել։ Կարծում եմ՝ չեն սպասել, որ առաջին «պատոկով» դուրս կգայի կամ չեն ճանաչել»։
