«ԵՄ–ը, ԱՄՆ–ն և Ռուսաստանը կարող են համագործակցել ԼՂ հարցում». Գալուզին

«Ստացվում է, որ Եվրամիությունը, ԱՄՆ-ն ու Ռուսաստանը դեռ կարող են միասին աշխատել այս թեմայով»․ հարցրել է լրագրողը Գալուզինին՝ մեկնաբանելով Politico-ի նյութը, որ ղարաբաղյան վերջին էսկալացիային առաջ Ստամբուլում հանդիպում էր տեղի ունեցել։

Գալուզինը պատասխանել է. «Կարող են։ Բայց հասկանալով, որ Եվրամիությունը և ԱՄՆ-ն չեն դադարելու մեր հաջողությունները վերագրել իրենց, ու իրենց գործողությունները կտեղավորեն հայ-ադրբեջանական կարգավորման այն ձևաչափերի մեջ, որոնք Ռուսաստանի միջնորդությամբ արդեն մշակվել են կողմերի միջև, մենք հենց այս տեսանկյունից ենք մենք մոտենում այս հարցով Եվրամիության և Միացյալ Նահանգների հետ շփումներին։

Ես համաձայն չեմ, որ մենք խոսում ենք ինչ-որ մրցակցության մասին։ 2020 թվականին և առաջիկա երկու տարում Ռուսաստանի, Ադրբեջանի և Հայաստանի միջև կան խաղաղ կարգավորման ձևաչափեր։ Եվ եթե Եվրամիությունն ու ԱՄՆ-ն ցանկանում են օգնել դրանց իրականացմանը, իհարկե, մենք չենք ընդդիմանա սրան։ Բայց եթե խոսքը ռուսական զարգացումներից օգտվելու եւ առանց Ռուսաստանի գործելու մասին է, պարզ է, որ նման մոտեցումը մեզ համար ընդունելի չէ»։