Առնվազն 2600 մարդ է զոհվել Սիրիայում այս տարվա մարտից սկսված հակակառավարական ցույցերում: Այս մասին հայտնում է ՄԱԿ-ի մարդու իրավունքների գլխավոր հանձնակատար Նավանետհեմ Փիլեյը: «Ինչ վերաբերում է Սիրիային, պետք է նշեմ, որ ըստ հավաստի աղբյուրների, 2011թ.-ի մարտից երկրում սկսված անկարգությունների հետևանքով զոհվել է առնվազն 2600 մարդ»,- ասել է նա: Այս մասին հաղորդում է Associated Press գործակալությունը:
Ինչպես Մոսկվայում հայտարարել է Սիրիայի նախագահի քաղաքական և տեղեկատվական հարցերով խորհրդական Բուսեյն Շաաբան, բախումների ժամանակ զոհվել է մոտավորապես 1400 մարդ: Նրա խոսքերով` զոհվել է մոտավորապես 700 ոստիկան և 700 խաղաղ բնակիչ: Այս մասին հաղորդում է RIA-Novosti գործակալությունը:
