Հավայան կղզիներում անտառային հրդեհներից հետո անհետ կորածների թիվը տատանվում է 1000-ից 1100-ի սահմաններում։ Այս մասին հաղորդում է CBS պարբերականը՝ վկայակոչելով տեղի իշխանություններին։
Երկու շաբաթ առաջ Մաուի կղզում մոլեգնող հրդեհներն առնվազն 115 մարդու կյանք են խլել։
Որոնողափրկարարական աշխատանքները շարունակվում են։
«Մենք քարը քարի վրա չենք թողնի, մենք դիտարկում ենք (անհետ կորածների) ցանկում ընդգրկված բոլորին, քանի դեռ չենք ապացուցել, որ նրանք այս ցուցակում չկան», – CBS-ը մեջբերում է Հետաքննությունների դաշնային բյուրոյի հատուկ գործակալ Սթիվեն Մերիլի խոսքը:
Նա նաև նշել է, որ ավելի վաղ անհետ կորած համարվող 2500 հոգուց 1400-ը հայտնաբերվել է ողջ և առողջ։
Օգոստոսի 21-ին Մաուիի շրջանի ղեկավար Ռիչարդ Բիսենը տեղեկացրել էր 850 անհետ կորածի մասին:
